مش عايزه فتح بؤ و استغراب و علمات تعجب
ايوه,,,,,, مكسر الخشب و تفاح الجان و درب سعادةو كمان المفأجة
مسمط الركيب
لقد همست في اذني :يالا نروح حمام التلات نظرت لها
قائله: اشمعنه يعني, ايه عايزهنا نروح نستحمي هناك, اشمعنا يعني التلات ما كلها ايام ربنا ههههههههههه
قالت: انت كده علي طول مسخره مش باخد منك اي منفعه
طيب ,طيب, ايه ايه هناك في سونة التلات دي؟؟
بيقولوا هناك في حته اسمها كسر الخشب جنبها ,بيبيعوا ادوات المطبخ رخيصه اوي
يخربيت فقرك بتجيبي الحتت دي منين ده انا لما بروح العباسيه بحلف بغربتي
زمايلي في الشغل,,,,هتروحي و لا لأ؟؟؟
طيب ماشي,بس انا مش اعرف السكة و كمان العربيه خربانه نبقي نركنها في جراج الاوبرا , او نروح في الجراج اللي في العتبه
ماشي
المشهد الاول
اركني في جراج العتبه ده هو ,اسمه جراج الموسكي هههههههه
طيب
الدور الاول مافيش
الدور التاني برده مفيش
التالت, الرابع...........
هوب
ايه ده, ده انا بركن و بقول للعربيه ,نخ نخ نخ
هننزل كل ده
قولي هنطلعه تاني كل ده ازاي
طيب
نزلنا
المشهد التاني
الله ايه الجمال ده ايه الريحه دي
مش عارفه بس ريقي جري
يخربيت الريحه الجنان ده ايه ده
و الله ما عارفه و حوالينا مش في اي مطعم
دوري كده يا بنتي
اممممممممممممممم
ايييييييييه ده
هي, تجلس
فلاح عجوز
بيد تكثر بها الثنايات
متعرجه
رسم عليها الزمان خطوطه
امامها حلة ماحشييييييييي كبيييييييييييييره
محشي كرنب
مصفوف في شكل هندسي دائري رائع
تظهر من بين اوراق الكرنب البيضاء الملفوف لوحه فنيه
بجانبها ,هي تلك المراءه العجوز,عدد من الرجال يظهر عليهم التعب و الاعياء , ياكلون يستمتعون بذلك المذاق, مجرد اطباق من اوراق الكراريس
عليها بضع اصابع من الكرنب
بيضاء
لامعه
متألقه في نور الشمس
شمس الظهيره
نظرت لي ,, هي ,ابنت خالتي التي كانت رفيقه تلك المشاهد
انها نظره شيطانيه من عيناها
لا
لا
بقولك لا يمكن علي جثتي
طب مش قادره الريحه تجنن
اه
بس الغسيل المعوي في المستشفي اقوي
و انفجرنا في الضحك
انها الحقيقه جري لعابنا من روعة الرائحه , و التفكير في عمل شئ غير مالوف نوع من انواع المغامرة بالنسبه لاثنان حديثي الخروج من الحضانه
طيب اهو شارع الازهر
طب حمام التلات ده فين
عدي بس عدي
الدنيا زحمه
نبقي نشوف حد نساله
ايه ده بقييييييييييييي
تاني
لأ المره دي الريحه تجنن
ايه يا بنتي
انا هموت من الجوع
ده مسمط
اه
مسسسسسسسسسسسسسسمط
اه
يا مجنونه
لا
يع مش هاكل ابدا
بصي يا عبيطه الناس عليه اد ايه
لا و !!!!!!الله
انا مش بحب الحاجت دي
بصي في مومبار
نعم يا ختي, ييييييييييع
مش انتي يا عبيطه بتاكلي سجق
اه
طب ما ده سجق بس بلدي
لا و الله!!!!!!
يا بنتي الاساس و احد بس الفرق في مكونات الحشو الداخلي
حسستني اني بكلم دكتور سنان , و بطريقه سحريه اقنعتني انها شئ اورينتال و فظيع و انها مغمرة لن يمحوها التاريخ و هتنزل في فيلم موشن امبوسيبل و توم كروز حبيب قلبي ممكن يخترني معه البطله اللي جايه
هو ايه,,,؟؟ بكام ,,, اه المشكل ده؟؟,,, بس انا عايزه و احد مشكل
تاخديييييي يا دودو مشكل-و هي تصيح
لااااااااااااااااااااااا
في سري ارحمي اللي جيبني
مونباااااااااااااااار
السجق البلدي يا نصحه-انا اصيح
انا ببلاهه شديده هو سبايسي يا عم؟؟؟؟؟
كنت هتضرب , و بايه,,, بالسطور
يخرب عقلك ده فيه شطه (انا و انا بشن)يييييييييييح
عندي حسساسيه منها و البتاع ده مولع
هي منفجره في الضحك هههههههههههههههههههه
تشعر بفوزها بما فعلته بي
خدي رشي البرفيوم ده
و الله!!!! بعد العملة اللي عملتيها
يايييييييي استريحت
طيب لما نشوف اللي هيجرلنا
بصي بصي
ايه
مسجد القاضي يحي زين الدين-انا اقراء اللوحه
ده حلو اوي
طب تعالي تعالي
ايه تاني
ده محل العطار ده كبير اوي
طيب
دخلت لتلك الرائحه , مجموعه مخطلته من البهارات و الاعشاب العطريه
هو اليوم كله كده
مناخيري باظت
قائمه طويله جدا
بعلو حوائط المحل, تفاح الجان, و خلطة الانبياء, و بردقوش ,ما ابصر ايه و ما ادرك ايه
يا بنتي تعالي نطلع من هنا
لييييييييه
هنتسخط
هن ايييييه
هنتسخط,,, هنتحول ,,هههههههههههههههه
خدي الكمون اللي عايزاه و اجري يالا
هههههههههههههههههه
اهو
كسر الخشب
يفطه كبيره
درب سعاده
مشاعر مش قادره اوصفها
ما بين الجامع الكبير و عبق التاريخ المصري, و بناء الاجداد
و ما بين صنع في الصين
ده ايطالي يا هانم
ده تركي و احسن حاجه يا انسه ده مش بيلسع الاكل
لا حول و لا قوة الا بالله
اليد الوحيده اللي شفتها
كانت بتعمل بس محشي
و ايادي اخري لناس ماتوا
النهارده مفيش ايادي
بترت ايدينا ام عقولنا سلبت منا
لا لا ده هنا مش حلو
عايزه اروح, تعبت
لا , لا و النبي
يا انسه لو مش عجبك في مول درب سعادة
احنا في نفس و احد
مووووووووول
هو فين يا عم
قدام شويه علي اليمين
امام المول
شرابيه صغيره
تكسرت منها عقل الارابيسك
تركت بها فجوات
لا اعلم ماذا حدث لي عند رؤيتها
لقد ذهبت لبيت السحيمي من قبل
انه مشهد ليس بجديد
لكنها الشرفه الوحيده الباقيه
امام عمل خرساني كبير يسمي غول درب سعاده و ليس مول درب سعادة
اعتقد ان تلك الفجوات جعلتني اتذكر ما بداخلي
لكنها لاتزال فجوات صغيره
و الشرفه كبيره
و الحراملك انتهي
لكن قد ياتي في جينات قد ورثناها
حمام التلات احسن خلاص نروح
و بالفعل تمت المهمه بسلام
و عدنا, هي تحمل طقم من الاستانليستيل
و انا احمل هذا كله لكم
ملحوظه ماتزعلوش مني, انا غريبه اليومين دول
14 comments:
مش عارف هاتصدقينى و الا لأ لو قلتلك ان دى هى منطقتى المفضله ... هى دى اماكنى اللى باروح الف فيهاو اتفرج على الناس و على كل محل و اسأل على بضاعه انا مش عايزها ...بالذات لما باكون متضايق ... و مش طايق حد
و يا انسه دودو يافافى اسمه مكسر الخشب مش كسر الخشب ...
:)
المهم باقولك ان المنطقه دى باموت فيها و ليها زكريات رهيبه عندى ...
ربنا يكرمك فكرتينى بيها و انا فى الغربه ...
ياااه
حمام التلات و شارع عبد العزيز.. الرويعى و ارض شريف ...... مكسر الخشب ...الحمزاوى ... الصاغه ....خان الخليلى ....الغوريه ...تحت الربع ..الصناديقيه...سوق الورق ...درب سعاده ..... سور الازبكيه ....المناصره ....باب الخلق ....درب البرابره ...بين الصورين ...و حارة اليهود
كل دول فى منطقه واحده ...
كان شغلى فى وسط البلد و كان لازم اخدلى لفه فى المنطقه دى كل كام يوم
و انا باموت فى وسط البلد كلها عموما ده حتى اصحابى كانوا مسمينى شارع عبد العزيز
:)
ياااه مبسوط بيكى انك بقيتى تمام ...
و مش مكسوف اقولك ...قد ايه انا كنت مبسوط لما لقيتك كاتبه بوست جديد ...
ربنا يديم الاخلاص ...يارب
محشى ...محشى فى العتبه ...يا مجانين ...ده انا عمرى ماعملتها
هههههههههههههههههههههههههههه
تحياتى و مستنى نورك عندى تانى
هية اول واحد يعلق انا فرحان يمكن بشرة خير انا وصلتليك بالصدفة البحتة عن طريق مدونة الاخت العزيزة عايزة عريس المهم مش عايز اطول عليكى بجد انا محتاج اتكلم معاكى في اية اكيد مش في المحشى .. حاسيس انى عايز اتعرف عليكى و متخافيش ركبى مش كبيرةومفييش شبة من الراجل بتاع ميلودى خالص ارجوكى الرد
.. انا حاولت ادور على ايميل ليكى بس ملقتش ياريت تجوبينى وان كان ممكن هاسيبليك ايميلى المرة الى جاية بس تردى انتى لو سمحتى يعنى
و ابقى تعالى اقرى القصه
الجزء الثالث اتنشر
تعالى اقريه
يادودو ياكسلانه
ابقى اعرفى السكه لوحدك بقى مش كل مره هاجى اجيبك
مستنيكى
باى
:)
عمرى ما رحتها ولا مره
ولا اعرف اصلا الاماكن اللى بتتكلمى عنها
بس واضح انها حلوه
شوقتينى اشوف الاماكن دى
اسلوبك جميل اوى فى الوصف
عجبنى جدا
تحياتى
انا جبتلك كرسى بعجل اهه
اركبى يا دودو يا مكسحه
:)
الجزء الاخير اتنشر و الدنيا مليانه دم هناك و انتى هنا قاعده بتاكلى .
يالله بسرعه ....
هاتى حتة ممبار
اماكن جميله الحتت دي بتعمل دماغ لما تعيش فيها و تحس شويه بالماضي و الحياة ايام زمان
طريقتك في السرد لذيذه بتعرفي تدمجي مشاعرك داخل الحركه نفسها الي في القصه
مستنينك بقي في بوست جديد
تحياتي
فكرتيني لما نزلت مع اختي اللي بتشتغل في مصتوصف في السيده عيشه ورا القلعه كده بعد متحيلت عليا كتييييييييييييير قوي ان اروح معاها و لو لمره واحده و كانت مره بصراحه
كنت عامل زي الواد البرص اللي بيجري في ملعب الاسكواش
ممكن يا دودو تدينى عنوان بيتكوا
انا هاجيب البلوج بتاعى و اجيلك البيت عشان تقرى الجزء الاخير
طالاما مش عايزه تيجى
انا اخت backbone
انت متعرفنيش بس بجد قصتك حلوه
والاماكن اللي اتكلمتي عنها انا بحبها اوي وزي ما محمد قال انا كنت بشتغل هناك
علي فكره انا اللي مصوراه الصوره اللي هو حاطتها دي
وبيقول عليا مبعرفش اصور
تلاكيك
وانتى ايه يوديكى الحتت دى يا مستغنية عن روحك انتى
:))
Regards:
lojain :)
و الله و بقي ليكي شعبيه يا بت يا دودو و الست لوجي الحمد لله جت و زرتي
مرسي ليكي اوي يا لوجي انت ما تعرفيش انا بحب الاسم ده اد ايه و نويه و النيه لله لو ربنا اراد و اتجوزت اجيب بنت و اسميها علي اسمك
اما بالنسبه لباك بون و اخته ربنا يكرمكم
ده شرف كبير اوي ليا يا اخت محمد اعذريني ماعرفش اسمك ,
بالنسبه للصورة بما اني عندي حاسه فنيه رااااهيبه و بابا من هواة التصوير
و انا كنت المودل الوحيد اللي بيصورني في المصايف هههههه حاكم انا وشي فوتوجنيك ههههههه
فاحب اقولك الصوره جميله اوي اوي
و فيها معني
بس اللي يحس يا اختشي و يقدر
مرسي كمان مره
نفسي أفهم هو ليه كل ما الواحد فينا يبقي حقيقي ويقرب من نفسه ويفهمها ويحبها يهرب ويقول معلش أنا كنت غريب ؟ سؤال هستني إجابته ليه بنحب نكدب عشان منواجهش الناس بحقيقتنا ونتحداهم بيها ؟
ملحوظة توم كروز ده مجرد
doll
زيه زي شاكيرا ومارلين مونرو و الناس اللي ملهمش قيمة في الحياة غير إنهم يبانوا مبهرين شكلاً ليس إلا
وإن كان ده ميمنعش إنه عمل فيلمين تلاتة هايلين كأداء فني :))
وفعلاً أسمه مكسر الخشب :))
في بنت أعرفها بتقوللي نفسها تعمل لجوء سياسي هناك :)) فكرة صح ؟
وسط البلد ده أخر حاجة فاضلة في القاهرة أصلاً والباقي كله قاهرة مصطنعة
بص معلش انا دخلت فالنص كدا.. بس انا كنت بدور على مكان عشان الاقي فيه صناديق خشبية صغيرة ولفيت كتير بس ملقتش
وانت ما شاء الله شكلك حافظ المنطقة زي اسمك
هما في ناس قالولي ورا مستشفي احمد ماهر بس لو في حتة تانية ابقى شاكرة لحضرتك جدا جدا وانا هنتظر اجابة حضرتك على احر من الجمر :))))
Post a Comment