عندي حالة من القرف مش عايزه اكتب, بعيد اوراقي و حسباتي, بحاول اشوف حالة التوهان دي اخرتها ايه, بشتغل زي الحمارة مش بقف , و مش باخد اجازه, و لو في اجازه بروح اقضي مشاوير, و اروح الكلية عشان الدرسات السفليا او العليا اللي بعملها, و لو مش بذاكر بروح كورس الانجليزي, تحولت لاله, كل اللي بعمله اني لما بتخنق بهرج بشكل هستيري و خلاص بدل ما اعيط
بكره اعيط قدام حد
كمان عايزه اعرف انا بكتب المدونه دي ليه؟؟؟؟
ايه اللي قدمته فيها؟؟
ايه الجديد
مجرد بعض المواقف
ايه اللي عملته للناس اللي بيقروا ليا؟؟؟
و لا حاجه
حاسه اني ما اضفتش جديد
طول عمري في ناس بتستريح لمجرد الكلام معايا
و قتها بحس اني عملت حاجه
بس ياتري انا عملت ليكم ايه جديد؟؟؟
11 comments:
أقطفي لمونة من شجر اللمون عشان القرف
يمكن ماباجيش هنا كتير
بس على بالي دايما
ولما باجي بحرص اني اترك بصماتي
أفكرك ببوست انت كتبتيه فيه كلمة نعم للحياة
خدي بالك من نفسك و خدي أجازة من الشغل
اسمعي اغنية لفيروز
اقولك نامي كتير اوي و ارتاحي
تحياتي لك من ماناساس البلد
وأؤكد لك
لقد أضفت لي الكثير
:(
محدش بيكتب في المدونه علشان يضيف كتير للناس مفيش حد هنا مصلح اجتماعي كل همه يوصل افكار للناس ده نوع من المدونات بس الي بنكتبه ده اسمه خواطر نوع من التنفيس الداخلي عن كلام مشاركه وجدانيه من الناس لبعضها افكار حره بتتكب ممكن الناس تقرها وخلاص
ومش تقلقي الحاله الي عندك دي عاديه يعني انتي طبيعيه خالص :)))
متقلقيش مقربتيش تموتي و لا حاجه
:)))
الحياة ليها هدف كبير اننا نعبد ربنا علشان ندخل الجنه حطي الهدف ده قدامك في كل تحركاتك وبرمجي كل اهدافك انها تكون في اطار الهدف ده و ابدئي فكري في حب ربنا لينا ساعتها هتبداي تستشعري سعاده داخليه
فكري كده و ابقي قولي ايه الي خانقك بقي
ابقي طمنينا عليكي
تحياتي
مش لازم الواحد يكتب نصايح وحكم
علشان يبقى فاد غيره
ممكن الواحد يحكى عن موقف حصله بس من خلاله بطريقه غير مباشره غيره يستفيد
وحتى لو مش حد استفاد حاجه خالص
المدونات اتعملت اصلا علشان الواحد يكتب احداثه الشخصيه واليوميه
ده الهدف الرئيسى منها
وكمان اكيد المدونات بتعرف الناس على بعض
وممكن عن طريقها تقابلى اصدقاء ياثروا فى حياتك فى يوم
ولو ده كله مش موجود
كفايه انك تلاقى مكان تفضفضى فيه
حافظى على مدونتك
تحياتى
هى ايه الحكايه ...كل الناس مالها اليومين دول ...
بصى انا حاسس بيكى
انا كنت زيك كده فى فتره من الفترات ... بس ده طبيعى و الله .. انا مش عارف سنك كام بس و اضح انك لسه صغيره ...يعنى بتبنى نفسك ... بعد كده هاتعرفى قيمة اللى عملتيه لنفسك ده ...
اول ما ابتديت اشتغل كنت فعلا زى مابيقولوا ..حمار شغل ..و بعدين عرفت قيمة الكلام ده .. انى كبرت بدرى .. مش فى السن ... قصدى اخدت خبره كبيره فى و قت قليل ...!! و بعد 7 سنين بس بقيت مدير صغير ... و ساعتها نسيت كل الايام الوحشه ...
بصى .. اوعى تستسلمى للاحساس ده ... لو اتخليتى عن اللى بتعمليه و اخترتى الراحه دلوقت .. هاتتعبى بعدين ..و هاتندمى ...و احساس الندم ابشع احساس و بالذات لواحده طموحه زيك . .. و بعدين لازم تستغلى الفتره دى قبل ماتدخلى فى دوامة الخطوبه و الجواز و العيال ... اسألى مراتى
:)
بالنسبه للمدونه ...هى المفروض انها حاجه شخصيه ليكى ...مساحتك اللى بتخرجى فيها مشاعرك ...
انا ماعرفش ايه رأى بقية الناس بس بالنسبه لى مدونتك مهمه قوى ليا ... اصلى انا مدمن اعرف ناس جديده ...:) و اعرف هما بيفكروا ازاى و ايه هيا مشاعرهم ...و ده صعب جدا فى الحقيقه عشان الناس ليها مية وش ...:) بس هنا بجد ممكن الواحد يعرف مشاعر الناس علطول ...منغير مايعرفهم شخصيا ....
انا عارف انى خنقتك زياده ...و انت اصلا مش طايقه ..
بس بجد ...روقى كده ..و فوقى ... و لو كنت فى مصر كنت بعتلك كيلو شوكلات من عند باناش ...:) عندى احساس انك بتحبيها ...
اضحكى بأه :)
و مستنيكى تزورينى ...و تقوليلى ان كله تمام ...
و تقرى القصه الجديده ....
سلام ..يادودو
اظن شاور ميرور ظبطك
روق كده ياعم
بس اللي زيك لما بيتخنق قوي كده بيبقي ده بدايه ولاده جديده لحياته
يارب المولود يطلع زي القمر
انتي فين يادود روحتي فين بس
شكلك اتخنقتي من ان بقي في ناس بيجيولك
:)))
اوعي تتاخري اظهري بسرعه
تحياتي
بلاش الاسئلة دى
عشان الجنان منتشر الايام دى
خافى على نفسك
وافتحى قلبك للدنيا
وانتى اكيد بتعملى حاجة
بس مش واخدة بالك
ده انتى كســــــــــلانه مووت ...
ميرور انت بجد جميل اوي و ظبطتني زي ما محمد قال
و انت يا عبدالله
انا ربنا علي طول في قلبي
الورده السودا
لسه عايزه اعرف تعبيرك عن الفرحه هيبقي ازاي
مستنيه
وش مكرمش
الليمون غالي بعد شم الفسيخ
ريمو
شكرا ليكي اوي
باك بون
يارب تكون غيرت فكرتك عني و اني مش و اخده بنسل في نفسي
بجد شكرا ليكم
kkkkkkkkkkkk
Post a Comment