زي زمان

هههههههههههههه

بصراحه مش قادره ابدا البوست ده من غير ما اضحك

من كام يوم افتكرت اغنيه رديئه جدا كنا بنغنبها و احنا في اعدادي في المدرسه بالرغم من اننا كنا في مدرسه محترمه جدا و كنا بنترزع كل علقه و علقه علي اللي احنا بنعمله ده بس كنا برده بنغني

كنا كلنا حاجه و احده من ابتدائي لحد ثانوي مع بعض حياة كامله في ناس بتقول ان الجامعه اجمل ايام

لكن انا و اصحابي بنقول ان مدرستنا دي اجمل مدرسه و رغم السنين الا اننا لحد دلوقتي مع بعض

فينا شئ من بعض

سعات ببقي حاسه اننا مش قادرين نعيش مع اللي حوالينا او بنعيش بس مش مبسوطين

احساس بان اللي بتتعامل معهم مفروضين عليك

نفسي نرجع زي زمان

بحب ابقي

بحب الشغل, بحب الشغل اوي, بحب ابقي زي النحله , كنت اتمني ان ربنا يديلي اللي اداه للنحله في قدرتها علي الشغل

بحب ابقي زي الصقر في عنيه و هو مركز و شايف رايح فين, بحب ابقي فراشه ليها الف لون و لون

بحب ابقي سحابه بتعدي علي الناس تديلهم و هما مش شيفنها بصين للارض

بحب ابقي صحرا بتستمتع بوحدتها

بحب ابقي بحر قوي و حنين و كريم

بحب ابقي طريق يمشوا فيه الاحبه

بحب ابقي اغنيه يضحك و يرقص عليها طفل

بحب ابقي ام و اخت و صديقه و طفل كله في و قت و احد

بحب ابقي ههههههه محيره اللي قدامي

بحب كلمة يا حبيبي بقولها حتي للفكهاني و البواب هههههههههههههه

بحب ابقي زي وسط البلد في الزحمه و الهمجيه

بحب ابقي زي الدبانه في الزن

بحب ابقي سعات نكديه ههههههههههه

بحب ابقي اكتر و احده بتهرج

بحب ابقي مليانه بالصبر

بحب الجنون و العقل

بحب ابقي ذكيه

بحب ابقي غبيه كمان

لسه لسته طويله في بحب ابقي..........

هكملها بعدين

نعم للحياة

.. طالبة : ما هى فلسفتك في الحياة ؟ ! .. .. الأستاذ: أن أقول للحياة نعم .... طالبة : ما معنى ذلك يا أستاذ ؟ .. .. قال : إنني لا أرفض الدنيا .. أقبلها بكل ما فيها من عيوب و حسنات .. .. لأن من الطبيعي ان يكون هناك الأبيض و هناك الأسود و الألوان الاخرى .. .. و أن تكون الصحة و المرض .. .. و أن يكون الصدق و الكذب .. .. و أن يكون الشباب و الشيخوخة .. .. و لكن الذين يقفون عند الشباب و يتمنون أن يبقى إلى الأبد فلا يبقى يلعنون الحياة .. .. أما أنا فأقبل كل ما في الحياة على أنه ضرورة .. .. و ما دامت ضرورة ، فهى تستحق

الاحترام ..

كانت تلك الكلمات من كتاب في صالون العقاد كانت لنا أيام هذا الكتاب الذي يحمل خليط او عجين ما بين فلسفه العقاد و رؤيه انيس منصور

لكل من يريد المعرفه للحياة اكثر الرجاء قراءه هذا الكتاب

يارب

علي بالي

16/1/2007

ممكن يكون يوم مش حلو ليا

بس كان بالنسبالها يوم قاتل

و للعائله

مات

اه مات 20 سنه بس و مات بسبب عربيه

خبطته

راح بعيد

قبلها بكام يوم كنت قابلتها كنت سايقه و ملاك الموت معايا

حسيت بيه اوي

لما شفتها قلت لها انا قلبي مقبوض

ضحكت و قالتلي انت فقريه علي طول كده

بس في حاجه كنت حاسه بيها اوي

انا ديما لما بتخيل بشئ بيحصل او اني احلم بحاجه ,كنت فاكره اني انا اللي هموت

انا حلمت بيه قبل كده

اه

هو ملاك الموت

ربنا يغفر له

اخوها

اخو صحبتي

اقرب اصحابي

مكنتش عايزه اكتب

بس بكره تاني اسبوع علي الموضوع ده

التلات

يوم التلات

الحمد لله

فتحت امبارح صور الفرح بتعها بالصدفه من علي الكمبيوتر

شقت صورته

كان من شهر و احد

كان الفرح قبل عيد ميلادي بيوم

23/11/2006

مشيت 2006

بالفرح

و جت 2007

بفرح تاني

بس ليه هو لوحده

في السما

اكيد

كان زي اخويا الصغير

لسه علي بالي

و علي بالي

انا ما بدي,,,,,,,,,,,,لم لم لم

انا ما بدي تقلي كلام بيدوب قلبي حنين و غرام.,,.............................

و ربنا البت نانسي دي عبيطه, بجد انا اسفه يعني لمحبي نانسي بس دي الحقيقه, انا بقي بدي بدي اوي اوي كمان,,,,,,,,

و الاغنيه الصح انا ما بدي تقلي كلام انا بدي اتجوز و اجيب عيال ,,,,,,,,, هو ده الصح

كفايه تساهل مع الرجاله مش كفايه انهم سيبنا كده

و الانيل انهم يوم ما يجوا يبقوا مش مناسبين يعني فقر و علي مستوي كمان

و الله حرام ,,,,,,,,,,,,انا مفيش و احده اعرفها غير لما تقول الرجاله راحوا في الحرب , الرجاله راحوا في الحرب , البنات اتهبلت

و في يوم لقيت و احده رايحه علي مكتب التجنيد و رافعه شعار

ايه يا بنتي, بتطالب برجوع الاسري من اسرائيل

يا دي النيله ادي بقيييييييييي البت اتهوست ,,,بلاش و احده تانيه قالت لي انا شايفه ان العيب فيا انا قلتلها ليه, كده قالت لي عشان طلعت بنت ,,,,,,,,, قلت لها و ايه المشكله ,,,,, قالت ما هو محدش يطلع بنت في الزمن ده , ده زمن

و غيره و غيره بس انا حطيت الموضوع في دماغي و هبقي اكتبلكم عليه

حمارتك العارجه ........تغنيك عن ركوب الاوتوبيس

اهلا بكم

النهارده اول ما دخلت من بابا الشغل وقبل ما حد يطلب مني حاجه و كبايه الكبتشينو(يا سونه) سيد عملها و الله ما حطتها علي بؤي قلت اكتب اللي حصلي امبارح

ااااااااااااااااه من اللي حصل امبارح بتحضرني الان الست اصاله و هي بتغني علي ال جري و متشحتفه علي الاخر و بتشن وتمسح.....دموعها-دموعها ماتفهموش غلط-في كمها, والله اللي حصل امبارح كان مفروض يتعمل في فيلم أكشن

ما علينا, طلعت من الشغل الساعه 5:30 تقريبا عشان اخد ميكروباص لحد مترو الانفلق و استغفر الله و لا واحد

راضي يروح عند المترو لدرجة اني من طول الوقت اللي الناس قعدين فيه علي المحطه مستنين المواصلات حصل ما

بينهم عشره و بقوا يكلموا بعض و يشكوا همهم لهم بعض

,

المهم , مالقتش قدامي غير ميني بص الاخضر ده ابو جنيه ركبت( عاااااااا, و يارتني ما ركبت عاااااا), ايه ده حرام كده

الاول لما طلعت ماكنتش لاقيه حاجه امسك فيها عشان ماقعش فبقيت بألوش اللي امسك في كم جكتته و تبقي هتطلع في ايدي و اللي امسك في بنطلونه و برده كان هيطلع في ايدي و اللي اهبشه من صدر قميصه , يعني حاجه في منتهي قله الادب بصراحه قعدت استغفر ربنا علي اليوم ده طول الليل, و بعدين اختكم قصيره( اؤزعه) مش باينه من الارض رحت مسكت في المصوره اللي فوق دي ويا رب ما اشوف ده في حد غالي ,كنت عامله زي القرد ميمون فوق الشجرة كنت حاسه ان الناس اللي بره الاتوبيس عايزين يحدفولي سوداني, عارفين متعلقه في المصوره رجلي بالعفيه و صله للارض و سعات ما كانتش بتوصل زي اللي بيلعبوا عقله تخيلوا

, شويه وايدي وجعتني, رحت منزلاهم وطبعا الرجاله و الحمد لله محوطني من كل جنب كنت بمووووووووت خلاص كنت عامله زي ورقة النعناع في كبايه شاي و اتقلبت و الورقه بتلف حولين نفسها و خايفه تخبط في حرف الكبايه..

وبعدين انا طبعا واقفه لقيت الاخ اللي قاعد علي الكرسي قدامي نام, اااااه يا واطي لك نفس كمان تنام , و المحروس نام تقلوش في حضن امه و راح مريح عليا _يا اخ يا عم قوم_يا نهار اسود ايييييييه ده الواد مستريح نام خلاص و متكيف شويه شويه يقولي غطيني و النبي _ انا بقي عايزه ارزعه علي قفاه قلم بس اعمل ايه _يا حماده قوم بابا جاب جوافه, الجوافه هتبرد يا واااااااااااد , و الله الكلمه دي كانت علي لساني خلاص

يا حماده قوم عشان نازلين المحطه الجيه, وحماده يا اخواني ولا هو هنا قتيل لحد ما في واحد راح قاله فوق يا أخ بس لما فاق كنت انا نزلت تقريبا مش هحكي علي بقيت المواصلات اللي ركبتها اصل انا ركبت المترو وبعد كده ميكروباص- اااااااااااااااه حسبي الله ونعم الوكيل -

النهارده رحت الشغل بعربيتي اي نعم هي حالتها كرب بس حمارتك العارجه تغنيك عن ركوب الاتوبيس

و نراكم في المسرات....................

مغامره علي الطريق.....لم لم لم لم لم

طبعا كلكم عايزين تعرفوا ايه لم لم لم لم دي , دي الموسيقه التصويريه للأحداث المهببه اللي بشوفها كل يوم وانا رايحه او جايه من الشغل اللي طبعا بياخد مني وقت حوالي ساعه وربع بالتقريب , سواء كنت سايقه او رايحه عن طريق الافيال ..........اسفه الميكروباص -علي طريقة هنيدي- و من وحي اليكروباص لقيت نفسي بدندن واقول:

يا ميكروباص حياتي يا كلاكس فشيتي........

ماتدوسش علي الفرامل فجأه قلبت معدتي.........

هزتلي فقره فقره يا خرابي يا ركبتي

و ده طبعا يا جماعه من اثر المخمضه و البهدله و الرجرجه اللي بشوفها كل يوم بحس اني جوه غساله فول اتوماتيك في العصره الاخيره ساعت الشطف (اللي عنده غساله يعرف معني الكلام ده) و الله بحس انها حركه لولبيه ولا الست في في و الا الست كيتي حتي في زمنها تعرف تعملها, و كل اللي في الميكروباص بيتشخلع من كتر الهز و الفرامل و الغرز اللي بيخدها

و ياعيني علي الناس اللي عندها سكر و بتتزنق كتير يا سلام السواقيين بيخلوا اعصبهم تبوظ زياده ويهوروا علي نفسهم , و لا حتي بتوع السكر بس ده كل الناس, و بتوع الضغط , اه علي بتوع الضغط اللي ضغطه عالي يعلا زياده و اللي ضغطه واطي يوطه زياده( مرمطه), و لا كمان طريق الشغل بتاعي يا نهااااااار ربنا ما يوري حد طريق الاتوستراد استغفر الله مرمطه سحل وربنا ولا يا سلام علي الفوعليه اللي بيركبو معايا , يا عيني, و كل واحد بيحكي حكايه مع كمان صوت الفونتكس بتاعهم يا سيدي, منتهي الموسيقه عزف صولو منفرد ليس له مثيل. ديك النهار _و فرخة بليل _( ما علينا )كنت قاعده واتنين عمال ورايا وبعدين و احد قال للتاني انت بس بتودي فلوسك فين راح رد عليه وقال له يا عيماتش -ايييييه عيماتش سعتها كان هيغمي عليا من الضحك- ده انا بااكل باربعه جنيه و المواصلاتش و طبعا ماتنسوش ان اي تيه بيقبلها بتبقي مشكله

و غيره و غيره بس انا دلوقتي في الشغل ولازم امشي عشان اشتغل و بكره اكمل باقي المغامرات..................

نلقاكم غدا ان شاء الله

الكوسه

الكوسه من القرعيات و القرعيات لما أستوت قالت للخيار يا لوبيه ،و اللوبيه عشان تتعمل عايزه لحمه واللحمه ب42 جنيه و الجنيه بقي يشتري بيضاتان و البيضا عند الفرخه و الفرخه عندها ألفلونزا ، والألفلونزا عايزا مصل والمصل عند اللي خلق الفيرس و الفيرس معمول للأسلحة البيولوجيا ،و الاسلحه في أيد ولاد الكلب وولاد الكلب بيحاربونا و احنا زي خبتها ،وخبتها اللي هو أنا همشي من شغلي عشان الواد الباراشوت و الباراشوت......و ..و..و..و
اذا لو بطلنا أننا نمشي بنظام الكوسه ، أكيد هنختصر حجات كتير .........................................
يا جمااااااااااااااااااااااااااااااعه الكوسه زادت اوي في البلد

سانت تريز

سانت تريز ،تذكرت تلك السيدة الجميلة و أصر علي لفظ (جميلة ) هذا الجمال الذى لا تراه اللى الأرواح الطاهرة، تذكرت كيف كانت تعمل وتسعى في الأرض ليس فسادا أنما هذ السعى الذى ينيره الخالق ،تذكرت تلك السيدة عند رؤيتي للفنانة المعتزلة المنفصله المتصلة( سهير رمزى ) و حديثها مع راكب الموجة أ/ محمود سعد الذى كثيرا ما أرى فى عينيه نظرة عدم الأقتناع لما يراه ويسمعه، بدون الأطاله عليكم ظهرت الفنانة المنفصلة المتصلة بعد طول غياب وعملية شد للوجه و فول ميكاب ووووووووو....... ما عيلنا ، رجعت الفنانة التائبة الى الأضواء ومعها زوجها الرابع بعد المئه طبعا يحمل في يده الكريمة سبحة كهرمان أصلي ، مشجع زوجته الكريمة - برده- للرجوع الى الأضواء،أرحمني يا رب، و قال أية عشان الأسلام و المجتمع وتكون هي فيه فرد فعال ! الناس دى مشبعتش من الدنيا ، حرام والنعمه دى مهزلة طب ما منى عبد الغني شغالة بس في قمة الأحترام فيه أيه يا رجاله! أن مش معترضة علي الرجوع أنا، أنا مستغربة من الطريقة. وفكرت في تريز وقلت الله يقدس روحها بجد الناس اللي زيها من مسلمين ومسيحيين مفروض نعملهم أيه ، أذا كنا نبحنا صوتنا في التهليل للناس اللى زي ست سهير و
أستهلكنا نور عنينا في رؤيتهم

طار في الهوي شاشي...........

لما بشوف الليلة الكبيرة بحس ان كل واحد منا متعلق في خيط زي العرايس دي ، مرة قلت لواحد ديما بيسمعني و أنا بخرف ،انت عارف أن أحنا زي بنوكيو! رد وقال: مش فاهم ،

قلت( كا العاده في شكل فلسفي متأنق): نفس الخيوط اللي بتحرك بنوكيو هى نفسها خيوط القدر اللي بتحركنا
حسيت أنه مش فاهم بس سكت أو يمكن فهم بس بصراحة سعات الدماغ بتخلي الواحد يقول كلام غريب في وقت غريب،يمكن فراغ أو عارفة أن الشخصية اللي قدامي بتسمع أى حاجة فكانت فرصة مش عارفة بس حقيقى كل واحدفينا له دور في مسرحية الليلة الكبيرة وأن كان الخوف من اليوم الكبيرمش الليلة الكبيرة ألى بنقف فيه و خيوطنا بتتفك، و كل واحد يشوف أذا كانت خيوطة أتلعبكت ودخلت في بعض ،و هتتحول لأغلال ولا ،خيوط سليمة هتتحول لحبال من الورد توصلة لبر الأمان
مش عارفة تفتكروا نتم أيه ؟

قال لي أني لا أستطيع الحب............

نظرت أليه....؟ مستنكره أرطباتى بغير من أحب، رغم عدم وجوده

علي الساحة لكن لابد أن يكون هنا أن أعرف ذلك أشعر به قال لي.... انت عقلانية عملية لا تستطيعي الحب تزوجية ،

انت خلقت لتكوين أسرة ،تعشقين الأطفال حتى أنك أصبحتى مثلهم، أردت أن أقول له أنه يحبني يستمتع بذلك الأحساس الذى لا أشعر به أريد أن أكون مثله ، انى امرقة بنظرات حاسدة أنه يحب ،و من تكون انا، انا التى حرمت من ذلك أنها نفس النظرة التي رأيتها في عين غيرة ،أنٍت مختلفة تحملي بين جوانح قلبك كل المشاعر التي يريدها،،ليس الأ بتلك النظرة البريئة أنها لم تحب أحد، قلب خالي يتهافت عليه الرجال ،سذاجة الأطفال ومكرهم في أنن واحد