Wednesday, August 18, 2010

البحر غضبان مابيضحكش



عايزة اللي يقرا الكلام ده يسمع الاغنية معه ....البوست ده مش ههرج فيه زي الاول و لا حضحك و اتريق ...خلاص ماعدشي فيه قدرة علي المرور فوق المواقف بالضحك و السخرية

مشكلتي لسه زي ما هي ...انا مع ميين انا مع اهل الخطوة و الحاضرة و السنة و التدين و الالتزام و لا مع أهل الكافيهات و الفيس بوك و الفريندز و الكوول و الجونة و السفر عشان اجيب شوبينج

مش هعمل زي غادة عبد العال و أقول انا عايزة اتجوز و ابدا اتضحك زي زمان ...مش قادرة...خلاص (البحر غضبان مابيضحكش أصل الحكاية ماتضحكش

خلاص مش قادرة اضحك

هبقي احكي في البوست اللي جاي كل اللي حصل

و دي كلمات الاغنية اسمعوها كويس

اسمعوها من الشيخ امام ...الكلمات نجيب سرور
البحر بيضحك ليه
وانا نازله ادلع املا القلل

البحر غضبان ما بيضحكش
أصل الحكاية ما تضحكش
البحر جرحه ما بيدبلش
وجرحنا ولا عمره دبل
والبحر بيضحك ليه
وانا نازله ادلع املا القلل

مساكين بنضحك من البلوة
زي الديوك و الروح حلوة
سارقاها من السكين حموة
و لسة جوا القلب أمل
والبحر بيضحك ليه
وانا نازله ادلع املا القلل

قللنا فخارها إناوي
بتقول حكاوي و غناوي
يا قلة الذل أنا ناوي
ما شرب و لو في المية عسل

والبحر بيضحك ليه
وانا نازله ادلع املا القلل

ياما ملينا وملينا
لغيرنا وعطشنا ساقينا
صابرين وبحر ما يروينا
شايلين بدال العلة علل
والبحر بيضحك ليه
وانا نازله ادلع املا القلل

في بالي ياما وعلى بالي
واللي بيعشق ما يبالي
ما يهمنيش من عزالي
يا حلوة لو مرسالي وصل
والبحر بيضحك ليه
وانا نازله ادلع املا القلل

بيني وبينك سور ورا سور
وانا لا مارد ولا عصفور
في إيدي عود قوال وجسور
وصبحت انا في العشق مثل
والبحر بيضحك ليه
وانا نازله ادلع املا القلل













4 comments:

أع ـقل مـ ج ـنـونــة said...

اول مرة اسمعها بجد

تصدقي عنده حق !

:(

جالي اكتئاب وانا كنت لسة بضحك :D

المهم ..

تقبلي مروري ..

دا اول مرور ليا عندك وان شاء الله مش هيكون الاخير

عجبني النيك نيم بتاعك جدا

انا من عشاق فيروز ^_^

كل سنة وانتي طيبة ورمضان كريم

صوت فيروز said...

و انتي طيبة يا حبيبتي ...اقبل مرورك ...ده برده سؤال ...أكيد طبعا ..ياريت اصلا الناس ترجع تاني للمدونة ...انا المدونة عليها تراب تقريبا ...بس الحمد لله ...بنفض اهو عشان العيد :D
و سلامتك من الاكتئاب

صوت فيروز said...
This comment has been removed by the author.
faroukfahmy said...

الاجواب يعرف من عنوانه
دى كلها تلاكيك فاضيه اللى عاوز يمشى فى طريق لايهتم بالمطبات الفارغه
الله معك