Wednesday, April 30, 2008

قطوف في فروة الخاروف لبنت رشد اباظة

كارينا معرينا
يحكي ان في شيطان اخترع حاجه اسمها بودي كارينا المهم البودي ده هو عباره عن فكرة بدلة الغطس حاجه كده تحس انها كاوتش بتلبسها عشان تلزق علي جسمك و بدال ما دراعات البنات تبان بتحط الهباب ده قال يعني مغطي دراعاتهم,,,,,لعنه اتحطت علي دماغ المصريين و طبعا لان دراع الست المصريه مشهور بمركزه و واخد وضعه بين الدراعات ,,,تلاقي احجام غريبه محشورة في الهباب ده و تكاد تكون دراعاتهم باينه و لو باينه بصراحه يكون احسن ,,,,توب علينا يا رب من القرف ده بقي
الشكوي لغير الله،،،،مذلة
كنت في الميكروباص و بعدين قعدت جنبي واحده ست محترمه سالتها الساعه كام ردت عليا تمانيه الاعشرة و من هنا بدات الست دي تحكيلي علي اد ايه الرجل المدير مكفرهم في المواعيد و الاغرب من ده بيسيب ناس و بيقفش علي ناس تانيه,,,و فضلت تتكلم معايا و انا بصالها مش بنطق تقريبا زي ما تكون الست كانت مستنيه تتكلم مع حد,,,و واضح جدا ان عندها كبت رهيب ,,,كونها تمشي تشكي حالها للناس اللي في الميكروباص ده مصيبه ,,,الست عليها ضغط رهيب و كمان محدش بيسمع لها ,,,دي كانت صورة بسيطة اوي لست عاديه جدا عندها بيت و اولاد و شغل و ميكروباص تتاخر فيه
نظرية الديل
مشكلة كونك من غير ديل ,,يعني دي مشكلة كبيرة ,,لازم تكون بديل عشان تعرف تعيش حتي لو كنت بنص ديل برده شغال ,,,او ديل تحت الانشاء لسه صغنن بينبت ,,,فخير و بركة بكره يكبر و يفرع
ليه بقي بنقول كده ,,السبب ان حياتنا الذيذه دي فيها نوعين من البشر كلاب و سباع,,,و الكلاب بقوا هما كمان بينهشوا فينا و بيحاولوا يفرضوا سيطرتهم علينا و دي طبقة السواقين اللي شيفنهم في الشوارع و البلطجية و العيال الشمامه اما السباع فهم بقي اللهم احفظنا مش هنتكلم عليهم,,,بس ممكن اعرف لامتي حالة الفرم اللي احنا فيها دي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
البقية تاتي

6 comments:

حاسوباتيه said...

اولا فينك كل دي غيبه ماتغيبيش كده تاني
البوست جميل قوي اول حاجه بالنسبه للكارينا ففعلا عندك حق بقى فظيع بجد والناس بكل الاحجام بتلبسه وبيكون هو غالبا مقاس واحد وكله بيدخل فيه ازاى ماعرفش بيدخلوه بصابونه تقريبا خصوصا اننا المصريين معروفين فعلا بدراعتنا بس يا جماعه في بديهات تانيه قطن مش بتكون ماسكه قوي كده وبتكون معقوله برضو وكويسه

بالنسبه للست الي بتشكي فده لعلمك عادي جدا ومن كتر هموم الناس ياحرام انا بلاقي ناس بتكلم نفسها في الشارع اصلا شوفتي وصلنا لغايه فين وخلي الخكومه تفرح بينا

بالنسبه للكلاب والسباع فربنا يرحمنا منهم بقىىىىى

وبالتوفيق ليكي ومش تغيبي تاني كتير كده بقى

Diyaa' said...

ثمة شخص قام بتجميع الأوغاد والخاملين والآفاقين وفاقدي الهمة من أرجاء الأرض في وطن قومي واحد لهم..لهذا لن تجد في اليابان فاقد همة واحد..ولهذا لا تجد في ألمانيا وغداً واحداً..ولهذا لا تجد في الأرجنتين أفاقاً واحداً

كلمة لسه متذكرها من رواية العبقري اللذيذ دكتور أحمد خالد توفيق..اسمها يوتبيا..نزلت كاملة بس قبل كده كان عملها أجزاء في الدستور
بغض النظر عن المبالغة بس دي أقرب تعبير لواقعنا
مصر كانت أم الدنيا..ولما اتشوهت..بقت الأم المشوهة للدنيا برضه :(
لحد أمتي ؟ لحد ما ال 40 مليون نفر محسوب علي البلد دي يفوقوا ويطلعوا ال 3 مليون اللي حاكمينها بره
غير كده هنفضل ماشيين لورااااااااااااااااااااااااااااااااااااااااااااااااااااااااااا
بس خلاص
تحياتشي

Diyaa Ahmed said...

مفهتمش يعني إيه كارينا ده خالص بس عادي ياما بنشوف كاسيات عاريات كتير وهما دول أمهات المستقبل.لما الأم تبقي أشبه _شكلاً_ بالعاهرة وتحت مسميات عقيمة من عينة الحرية والجمال والذوق والشياكة ويا ريت حتي في ذوق...كله تقليد
والست المكبوتة دي كان لازم تعمليلها مدونة بدل تضييع الوقت اللي بتعمله كل يوم ده وتفرج عليها الناس
بلد مكبونة واهو اللي نعرفه أحسن من اللي منعرفوش
بس مش شرط يكون في ديل لأن بعض سكان الغابة مش ليهم ديل وبنظلم الحيوان عموماً لما نشبهه بالأنسان الكلب عنده وفاء السبع عنده فطرة ماشي عليها مش بيلونها
الإنسان لما بتغلبه نفسه الأمارة بالسوء مجرد حيوان ناطق فريد من نوعه
يا رب عفوك

صوت فيروز said...

و ليه كده يا ابني مش عايز تتجوز

صوت فيروز said...

تسلم لي يلا ضياء و يسلم لي تحياتشك

صوت فيروز said...

حسوباتيه و الله مش عارفه انا زهقانه بشكل يا اختشي فظيع و بجد مبسوطه لانك جيتي هنا