كل ما اروح حته الاقي عيوني بتشوف حاجه جديده
عايشه في مهزلة اسمها التفكير المستمر في كل حاجه و لا اي حاجه و فلسفة الامور طول الوقت و ايجاد اسرار الكون في بعض لقطات لحياتي اليومية
سعات بحس بلذة الم ان دماغك توجعك من التفكير
و سعات بيكون الالم اقوي مني
حبت حجات كده هي صغيره بس عيوني جت عليها
فتاة الشيكولاته
ركبت جنب و احده , هي بنت كلبوزة شويه لكن مش معني اني اكون كلبوزه ان ده يكون شكل وشي:(حسيت ان البنت مرسوم علي وشها العلامه دي,قلت مش مشكله
؟ امال فين المشكله
المشكله يا اخواني ان البنت دي كان معها كيس فيه شيكولاته كتير جد
و دي بقي
فتح و كل
فتح و كل
بحاله هستيريه رهيبه
و اختكم قاعده علي لحم بطنها
بس ايه,,,اوعي,,
طلعت انا بقي قدام ده بونبونايه من شنطتي اي نعم هي كانت نعناع و حرقت قلبي بس برده كان ليا دور في مذبحة الحلويات دي
انا مهتمتش و انتبهت اوي
غير لما البنت خلصت كيس الشكولا و بعد كده راحت جايبه من شنطة تحت رجلها 1/2 كيلو لبن رايب
و افتح وعلي بؤها
و برقع
برقع
برقع
طبعا انا كنت بضحك في سري في الاول بس بعد كده بصيت و قلت ليه البنت دي عندها كل اليائس ده
ايه الحاله دي
للدرجة دي هي و غيرها و غيرها تعبانين
كان نفسي اطبطب عليها و اقولها الحل مش
في اكل الشيكولاته
تامر حسني ارجوك كفايه
بحب اغاني تامر حسني
الا اني بحس انه شخصيه
فقع
ايوه
فقع
انا من البنات القلائل اللي مش بيحبوا سهوكة و سخافة تامر حسني
بصراحه دمه بقي تقيل اوي علي قلبي
رغم ان اغانيه تحفه سبحان الله يعني
بس ارحمونا بقي عشان قرفنا
بحب اغاني تامر حسني
الا اني بحس انه شخصيه
فقع
ايوه
فقع
انا من البنات القلائل اللي مش بيحبوا سهوكة و سخافة تامر حسني
بصراحه دمه بقي تقيل اوي علي قلبي
رغم ان اغانيه تحفه سبحان الله يعني
بس ارحمونا بقي عشان قرفنا
ايمن نور
رغم اني مش سياسيه و لا حتي بستظرف اللي اسمه ايمن نور اصلا
بس عايزه اقول ده كتير
و كان مفروض يفرجوا عنه لظروفه الصيحه
ملحوظه
لا اعتقد ان السيد تامر حسني افضل منه رغم هروبه من التجنيد
لو كنت شحاته
كانوا اتنين صغيرين اوي
و لد و بنت في الشارع و ملفوفين بحاجه كده مطينه
و الست امهم الشحاته هانم مقعداهم جنبها
بصيت اوي و سالت نفسي
لو كان ربنا حكم عليا باني اكون بنت للست دي
كان ايه الوضع سعتها
و قتها قاعدت احمد ربنا كتييييييييييير اوي
الحمد لله
شجرة الفل
جدتي ليها تاثير فيا كبير اوي
مش عايزه اقول اد ايه هي جميله
في طيبتها و رقتها و قلبها اللي زي الفل
حببتي جدتي بتموت في الزرع
و الورد
اشترت شجرة فل صغيره
و حطتها علي باب الشقه
عشان اول ما ادخل اشفها
حسيت و قتها اد ايه رقيقه
و بتعمل اي حاجه و لو بسيطه عشان تفرحني
ربنا يخليكي ليا يا تيته
و يديكي الصحه
4 comments:
بساء الخيييير
عملتي زي لما بيكون يا بالي رايق قوي يا مشغول قوي
بمشي في الشارع و اتفرج علي البيوت, ده بيت طالع منه صوت خناق و ده بيت حد دخل فيه قودة النوم و طفي النور و اتخيل بقه ممكن يكونوا بيتخنقوا ليه و اللي دخل نام ده نام لوحده و اللا ايه
بوست جميل يا برنسايه
دي أول مرة ليا هنا ودا اول بوست اقرأه
الغريب بقا انى اول واحد يعلق
بصي انتي عندك حلين
يا إما تبطلي تفكير علاشان ترتاحي و تريحي دماغيك
ودا حل صعب و بايخ اصلان
يا إما تفكري كتير لحاد مدماغك تتعب و تقف لوحدها
ودا حل ابوخ من الاولاني
من الأخر ربنا معاكي
اخيييييييييييييييييييييييييرا
لقيت بنت بتكره تامر حسني و بتستغلسه
و الله هوا فعلا دمه تقيل و غلس و خنيق
بحييكي بجد
شيكولاته... وبنبون ... ولبن رايب ،، انا جعت اوي ...
فيه ناس كتير بتطلع همها في الأكل لما تكون زعلانة ... ربنا مع الناس كلها ..
مدونتك دمها خفيف قوي ..
ميمي
http://mimayaa.blogspot.com/
نسيت اقول : انا بحب صوت تامر حسني ذلك المغرور ،، ابن الايه صوته حلو اوي
Post a Comment