Friday, November 06, 2009

لو عايز القرطاس موجود


هو :مش نافع كده

هي :هو ايه اللي مش نافع ده

هو: انت عايزة تبقي الرجل و انا اللي انفذ كلامك

هي: انا عمري ما قلت كده بس ما ينفعش كل كلمة تقولها اني اعملها علي طول بدون ما افهم

هو :لا انت عايزة واحد يقولك حاضر و طيب و انا مش ده و انت عارفاني

هي :انا بكره الرجل الشخصيته للي ضعيفه اصلا ..يبقي ازاي عايزاك تقول حاضر و طيب كده و خلاص

يا ابني الحياة مشاركة ما بينا

هو :كمان ابني ...بصي لاسلوب كلامك, حاسس انك المدرسه

هي :ييوووووووووووووه لا بجد كده كتير

هو :اااااااااه اما ده اللي ديما بتعمليه تهربي لما اوجهك

هي: انت اكيد عندك مشكله

هو : انا اللي عندي مشكلة و لا انت اللي مخك متركب شمال

هي:.....هو :......هي :....هو ....

و يظل الصراع الدامي ما بينهم هي لا تريد اي قيود ...هو عايز يكون سي سيد حتي و لو كان من الظاهر بس و هي اللي ممشياه

عزيزي لو عايز تتقرطس القرطاس موجود ...لو عايزني اصطنع انا ليا الف وش ...بس كنت بحب اظهرلك زي ما انا ...الشخصيه اللي حبتها ...حبتها لانطلاقها فاصبح الانطلاق تحرر غير مرغوب فيه

حبتها لطموحها ....فاصبح طموحها عيب و اهمال لك

حبتها لاجتماعيتها ...فاصبحت اجتماعيتها تثير غيرتك

حبتها لخطوتها السريعه اللي مافيهاش مياصه و لا دلع و قلة ادب ...فاصبحت دي خطوات العسكري الاخضر

عزيزي انت عرفتني زي ما انا و انا حبيت اكون انا مش حد تاني


كل ما اضحك عليك بتكون مبسوط و كل ما اكون انا بدون تزييف تتحول كل مميزاتي السابقه الي عيوب فورا

عزيزي مازلت احبك لنفس المميزات الاولي و لم تتحول لعيوب ...انانيتي قتلتها امام حبك

ارجوك بلاش تخليني اقرطسك لان ممكن القرطاس يبقي ضيق عليك

و انا بخاف عليك يا حبيبي



ده كان كلام واحده من اصدقائي عن حببها حبيت انقله لكم بس بطريقتي :)


4 comments:

Cute Kitty **sookra said...

حلو اوى الكلام دا وكمان واقعى اوى بجد
تحياتى لقلمك

Cute Kitty **sookra said...

وبما انك بتحبى فيروز يبقى كدا هنبقى اصحاب

صوت فيروز said...

ساسو شكرا كتير لذوقك و كلماتك الجميلة

صوت فيروز said...

دموع كابر ده يشرفني اني ازورك