كنت هعمل مدونه تانيه لان كان في موضوع كده كنت اتمني ان ربنا يوفقني فيه طبعا انتم عارفين موضوع ايه,,هي هي
خلاص بقي بنجزيف,,عموما الموضوع بخ كالعادة
و ده حبت كلام كده حسيت بيهم وقتها قلت مش مشكله اني اكتبهم و اهو عشان الناس تعرف برده اني بعرف اتسهوك
اقروا يالا
لايزال عطرك في هوائي ,,,اهو حب وجودك ام اهوائي,,,هل تجذبني حقا ام هو طعم الاحتياج
,,لوجودك حتي و ان كان منك عطرا في فرائي
اخذت معطفي من بين يديك فوجدت عطرك به زاخر,,,,, فسالتك هل هو فعلا اسكادا فضحكت كانك تعلم ما انت بي فاعل
تري اتكون انت حبي الحقيقي
ام اني علي وشك الاعجاب بزجاجة
اخذت معطفي من بين يديك فوجدت عطرك به زاخر,,,,, فسالتك هل هو فعلا اسكادا فضحكت كانك تعلم ما انت بي فاعل
تري اتكون انت حبي الحقيقي
ام اني علي وشك الاعجاب بزجاجة
وعجبي
ملحوظة
انا ملاحظة ان اغلب المدونات البنات مواضيعهم بتروح بخ تفتكروا ده ليه معني معين؟؟؟؟؟
7 comments:
جميل اوى شعرك الساخر ده :) ... يا ستى ولا يهمك ...خيرها فى غيرها
وبعدين حكاية ان اغلب الارتباطات بتفشل ...ده موضوع يطول شرحه ...هيييه دنيا... المهم خلاصة الكلام كدة ..ان ده بسبب ان فى حاجة غير مشبعة ..وهى الحاجة الى الحب ..وطول ما هى غير مشبعة ..هنجرى ورا اقرب فرصة لاشباعها ...قد ننجح و تستمر العلاقة ..ولكن لان الاختيار كان غير منطقى اصلا ..مبنى على الحاجة ...فعادة ما تفشل هذه العلاقات ..ده رأى ... و انا ان شاء الله هكتب عنة فى المدونة دلوقتى ..اقريه بأة :)
لا ياقطه ده كان عريس ههههههههههه
بس احب اوضح للساده القراء مصيبتي ,,و اللي تتلخص فاني عمري ما ارتبطت و كل حكياتي صلوناتي و طنطاتي و ان كنتي بتبعي يعني فانا ليا عند برايد (مدونه انا عايزة اتجوز )حلقه كامله
يمكن لوجودك في بيئة الجامعه هو اللي مخاليكي شايفه ده و كلام بقي الكتب بتاع فسيولوجي و اتربولوجي و بتاع
بس في شريحه و العبد لله منهم متنيلين مستنين العدل
و ربك بقي يستر
كان عريس ...معلش برده خيرها فى غيرها ...ويا قمر انا مقصدكيش بالكلام ده ..انا بتكلم عن سبب منطقى فى تفسيرى...وبعدين بصراحة ..كلنا عندنا الحاجة الغير مشبعة دى ..,هتفضل غير مشبعة لحد لما تشبع ان شاء الله يكون قريب ..واسمع أخبار حلوة
وعلى فكرة كلامى ده مينفعش يتعمم ..فى ناس كتير بتكون منطقية وعقلانية فى علاقاتها العاطفية ....
حلو جدا كلامك وليه كله بيبقى بخ ده نصيب بقى هنعمل ايه وادينا مستنينن حاجه مش تكون نهايتها بخ هههههه بالتوفيق لكل البنات يارب
يا ستي منتي بتعرفي تتسهوكي اهو
امال مين اللي قالك غير كده
:)
حكاية ان معظم المدونات بتفشل ارتباطاتهم
عشان هما دول اللي بيقولو على الفشل لما بيحصل
الباقي مش بيقول
:|
طول عمري بقول إن أحمد سلامة بيفهم :))
فعلاً اللي بتفشل في الحصول علي حاجة شيفاها كل حياتها بتبقي مش قادرة تسكت وعايزة تعبر والبنات أغلبيتهم معندهمش المقدرة علي الكتمان
بس اللي مش بخ بقي بيحصل الآتي ..بتخاف من الحسد أو بتتلهي في تفاصيل الخطوبة والجواز وخلاص بقي بتكبر علي إنها عندها شوية عايزة تفضفض بيهم :))
عقبالك ولو إن أصدقاء المدونة هيفتقدوكي :(
وحلوة السهوكة دي ..الله يخرب بيت تحرير المرأة اللي خبي الحاجات الحلوة دي تحت وش المرأة العاملة :(
تحياتشئ :))
Post a Comment